Hæhæ konan mín er 10 vikna ólétt og það var að leka brúnn vökvi úr henni og við höfum áhyggjur að því þetta var dáltið mikið sem kom úr hjá henni meira en allavega í fyrsta skiptið þetta er í annað skiptið sem þetta gerist við höfum smá áhyggjur við erum að reyna fá fyrsta barnið okkar í heimin.
Takk fyrir fyrirspurnina. Brún útferð á fyrsta þriðjungi meðgöngu er algeng og getur verið meinlaus. Brún útferð getur verið gömul blæðing frá því að frjóvgun varð. Þá þarf að meta magn, hvort fylgi verkir eða annað óeðlilegt. Ég ráðlegg ykkur að heyra í ljósmóður í heilsugæslu ef þið hafið áhyggjur. Gangi ykkur vel.
Kær kveðja, Elfa Lind ljósmóðir.
Er í lagi að taka ofnæmislyf á meðgöngu ef ég er að hnerra mjög mikið og með kláða í augun en er ekki með nein ofnæmi fyrir meðgönguna?
Góðan dag og takk fyrir fyrirspurnina,
Það er í lagi að taka ákveðin ofnæmislyf á meðgöngu.
Hér er að nálgast fróðleiskmola um ofnæmislyf á meðgöngu. Gangi þér vel.
Bestu kveðjur, Ilmur Björg Einarsdóttir, ljómsmóðir.
Sæl,
Mig langar svo að prófa að borða gerjuðu ávextina frá share til þess að hjálpa mér með hægðatregðu. Er það öruggt á óléttu?Góðan dag og takk fyrir fyrirspurnina,
Gerjaðir ávextir eru í lagi að neyta á meðgöngu en mikilvægt er að fara vel eftir ráðleggingum þegar kemur að skammtastærðum. Æskilegt er að gerjunin fari rétt fram og ávextir geymist við réttar aðstæður.
Bestu kveðjur, Ilmur Björg Einarsdóttir, ljómsóðir.
Alþjóðasiðareglur ljósmæðra
Siðareglur ljósmæðra byggja á gagnkvæmu trausti og virðingu og á þeirri meginhugsun að sérhvern einstakling beri að virða sem manneskju.
Fæðingartölur á Íslandi
- 0
Að meðaltali fæðir kona/leghafi 1,6 barn á ævi sinni. Sú tíðni hefur jafnt og þétt farið lækkandi síðastliðna áratugi.
- 0
Árið 2023 fæddust samtals 2257 drengir, sem var tæplega helmingur allra fæddra barna.
- 0
Á sama tíma fæddust 2058 stúlkur, sem gerði heildarfjölda nýfæddra barna að 4315.
