Meðgönguvernd

Upplýsingar um meðgönguvernd er að finna á vef Miðstöðvar mæðraverndar og í bæklingnum Velkominn í meðgönguvernd.

Bæklingurinn er einnig til á ensku - Welcome to antenatal care.

Klínískar leiðbeiningar um meðgönguvernd heilbrigðra kvenna í eðlilegri meðgöngu

Landlæknisembættið gaf út í apríl 2008 klínsíkar leiðbeiningar um meðgönguvernd heilbrigðra kvenna í eðlilegri meðgöngu. Þær eru ætlaðar ljósmæðrum, læknum  og barnshafandi konum. 

Leiðbeiningarnar byggja á því að meðganga er eðlilegt lífeðlisfræðilegt ferli og inngrip í það ferli skulu hafa þekkta kosti og vera ásættanleg fyrir hina barnshafandi konu.

Á vef  Landlæknisembættisins eru klínískar leiðbeiningar skilgreindar á eftirfarandi hátt: 
„Klínískar leiðbeiningar (clinical guidelines) eru leiðbeiningar (ekki fyrirmæli) um verklag, unnar á kerfisbundinn hátt, til stuðnings starfsfólki í heilbrigðisjónustu og almenningi við ákvarðanatöku við tilteknar aðstæður. Þær taka mið af bestu þekkingu á hverjum tíma og eru lagðar fram í því skyni að veita sem besta meðferð með sem minnstri áhættu án óhóflegs kostnaðar“. 

Fræðsla til verðandi foreldra er tæplega 15 mínútna langt myndband sem nemar í hjúkrunarfræði á öðru ári við Háskólann á Akureyri (Barbara Ösp Ómarsdóttir, Elín Anna Hreinsdóttir, Guðfinna Eðvarðsdóttir og Steinunn Guðlaug Skúladóttir) unnu á vorönn 2007. Í myndbandinu koma fram helstu markmið mæðraverndar á Íslandi, hvernig mæðraskoðun fer fram og hvaða ástæður liggja að baki þeim rannsóknum og athugunum sem þar eru gerðar.